Home News History Stations Apparatus Volunteers Activity Links

10 mandamentonan pa preveni candela Punto di atencion Precaucionan general pa preveni candela Cushina Camber Sala Garashi y washok Decoracion di pascu Vuurwerk Barbeque Zwafel y lichter Aparato Electrico Detector di Huma

1.    Zorg pa semper bo cas y muebleman ta sigura contra candela.

2.    Si un candela cuminsa toch, zorg pa esaki wordu dectecta of descrubri na tempo. Esaki ta posibel       door di instala aparato pa dectecta candela den cas.

3.    Si bo descrubri un candela keda calmo, no bai den panico y tampoco crea panico. Zorg pa cada kamber tin un bentana ± 60 x 90 cm cu ta habri paden pa salida di emergencia.

4.    Si ta pone “hero” (regas) pone di tal forma cu e por habri di paden pa asina e personanan por sali via e bentana.

5.    Jama Brandweer di biaha na telefoon 911.              

6.    Avisa tur hende di cas y hiba nan na un lugar sigur

7.    Trata di paga e candela sin hinca bo mes den peligro.

8.    Si bo no logra paga e candela sera tur porta y bentana pa e candela no haña mas oxigeno.

9.    Sera e boter di gas y kita coriente.

10.  Ora Brandweer jega duna informacion e.o.
        - si tin hende paden ainda
        - unda e candela a cuminsa
        - si tin material of quimico peligroso paden (e.o. boter di gas)
Back
 
 

Back
 
 
 

2.    No pone cortina mucho pega cu stoof of bela     

3.    No laga pannelap, serbette of towels riba stoof.

4.    Hasi filter ariba stoof un biaha pa siman limpi.

5.    No pone bleki di fliet, deodorante ect., cu tin presion den nan mucho pega cu stoof of forno, belenan cendi of otro artefactonan cu ta produsi cajente, of den solo.

6.    No laga mucha para ni hunga banda di stoof of BBQ-grill

7.    No pone bela cendi mucho pega cu cortina, muraya di palo of otro materialnan cu ta kima. Ora cende bela mester zorg pa por lo menos 1 meter ariba e bela no tin nada cu por pega candela. Special ora di cende bela den wandmeubel

8.    Zorg pa semper e stoof ta limpi pasobra e vet riba stoof por pega candela.

9.    Pone bela semper den kandelaar cu no por pega candela.

10.  Belanan den glas of kandelaar cu mester keda cendi anochi of ora bo sali, pone nan

11.  Semper den un skotter of baki cu awa.

12.  No cende bela bou of den  kerstboom.

13.  Tene cuidou cu tiramento di klap fin di anja, lesa e instrucionan bon prome cu tiranan.

14.  No huma den cama.

15.  No benta cabito di sigaria cendi riba tapijt, den baki di sushi of den jerba seco. Paga e cabito y pone den asbak of algo cu no por kima.

16.  No laga swafel, lighter ect., pa mucha hanja. Mucha entre 4 pa 12 anja ta gusta hunga cu esakinan.

17.  No warda gasoline, thinner, lighterfuel, kerosin, verf, sternolights ect. den cas. Busca un lugar sigur pafor pa wardanan.

18.  No laga rommel benta ariba suela den cas.

19.  No pone, ni instala boternen di gas paden den cas.

20.  No overbelast un stopcontact y tampoco e installacion di coriente di bo cas. Por ehempel, si bo usa un extencion-cord, pone solamente un aparate ariba esaki, si e ta un heavyduty anto por pone 2 dependiendo ki tipo di apparantonan ta. Si e waja bira callente kitanan mesora.

21.  Controla e installacion di bo cas y wak pa semper e ta den bon condicion.

22.  Evita usanento di extencion-cords bou tapijt, nan por kibra bou di e tapijt y causa candela.

23.  No huma, ni cende sigaria na pompnan di gasoline of na e compania di gas, ni tampoco den vecindario.

24.  No instala stoof of forno cu slangnan di plastic, pero usa tubonan di koper, staal of rubber apropia.

25.  No laga mucha hunga of traha cu toaster-of-microven sin bo supervicion.

26.  Ora bo bai hasi shopping of bai supermercado check of controla si e establecimiento tin suficiente porta di salida pa bo mes un seguridad. Hasi esaki tambe ora bo bai hospeda den un Hotel.

27.  Ora bo dal drinks, bai come na truck of come sandwich na cas. No bay hasi of keinta cuminda anochi ora bo jega cas. Hopi ta esnan cu a jega cas y bai hasi of keinta cuminda anochi pero no a mira luz di dia mas.

Back
 
 

Tuma e siquente precaucionan pa juda evita candela den bo cushina:

1.     Evita di laga vet acumula de cualquer parti di forno of stoof, ya cu ora vet haja cajente e ta pega candela

2.     Nunca bai laga wea cu azeta ariba stoof, un candela por cuminsa den un paar di seconde. Despues cu bo cushiná no laga zaeta cayente riba stoof of riba kitchencabinet, pasobra mucha por jega na dje y cu e consequencia cu e por kima su curpa. Asina cu bo cla di cushiná bente afor inmediatamente. Si pa un of otro motibo bo no por bente afor pone den forno di forma cu mucha no por jega na dje.

3.     Zorg pa semper e man di e planchi of weja ta bira paden riba stoof. Esaki ta pa evitá cu un mucha
por gará e man di e weja of planchi y asina e contenido basha riba dje.

4.     Si ta possible no uza extention-cord, si bo mester use toch, limita e candidad di aparatonan riba e extention, esei ta pa evitá cu e waja ta keinta cu por conduci na chispa di candela. Sea sigur di usa un extention apropia pa aparatonan electrico di hopi energia (watt). Semper y cuando laga un professional drecha tur wayanan cu ta kibra of pela. No purba drecha nan cu tape preto si bo no sa di dje.

5.     Nunca bisti pa?a hancho cu manga largo ora bo ta traha na stoof. Tampoco pana di nylon.

6.     Ora bo bai cende bo fornu pa cushina of herbe awa, semper cende e swafel prome, despues bo ta draai e konopi di gas. Pa controla si tin un leak di gas hunta e tubo cu awa di habon y si bo mira bubbles, esei ta indicacion serio cu tin un leak. Sera e botter di gas y tuma contacto cu e compania di gas mesora.

7.     No pone materialnan cu ta vunerable na candela, manera pa?a, papel, materialnan plastico liviano banda di fuente di calor (manera stoof, forno, apparato electrico ect) tampoco colga cortina, lantera of otro materialnan cu por pega candela cerca di stoof.

8.     No pone cuminda den cashi cu ta directamente ariba stoof. Mucha lo trata di subi ariba e stoof pa jega na e kashi

9.     Zorg pa bo tin un aparato di paga candela den cushina.
 

No paga candela di weja di azeta cu awa, pone su tapa ariba dje of un panja muha!
 

Back
 
 

Majoria di biaha candela ta cuminsa na cas net ora cu e ocupantenan ta drumi. Pa ora cu holor di huma lantabo for si sonjo ja por ta hopi laat pa Sali. Alarma pa detecta huma ta esencial, ja cu abo y bo familia ta haya tur tempo pa Sali sano y salvo si acaso tin candela. E alarmanan aki por wordo instala tanto pafor di e cambernan como den e cambernan mes.

Aki ta siqui algun tip den caso di candela.

1.     Portanan cu ta sera hopi biaha ta ofrecé proteccion contra huma, y candela tanto paden       como pafor di e camber. Si e portanan di e cambernan ta sera normalmente anochi anto bo por instalà un alarma pa detectà huma den camber, pasobra un porta sera por stroba e huma produci pa un candela jega na e alarma cu ta den e camber.

2.     Si e cas ta di un solo piso, e alarma mester wordu instalà den e gang banda di e cambernan. Si ta trata un cas di dos piso e alarma mester wordu instala banda di e trapi cerca di e cambernan cu ta ariba. Si bo kier instala un alarma sò, esaki mester ta entre cambernan y e resto di cas, pero semper mas cerca di e cambernan. Corda bon cu ta e huma y no e vlamnan ta e causa principal di morto den caso di candela. Ta conoci mundialmente cu 80% di e personanan cu ta muri durante incendio ta pa motibo di stik den huma.

3.     Huma ta subi! Pesei ora di Sali for un camber cu ta na candela, gatia riba vloer pa e salida cu ta mas cerca di bo.

4.     Si holor di huma a lantabo for di soño, fula e porta di camber pa check si e ta cayente. Si enberdad e porta ta cayente please no purba Sali for di e porta ey pero trata na Sali for di un bentana (si tin di kibre, kibre numa.) Si esaki no ta possible, pusha un deken of laken den tur e spleetnan di e porta pa evita cu huma por drenta den e camber y sinta warda ariba ajudo pa bo por sali.

5.     Nunca huma ariba cama, principalmente ora bo ta bai drumi.

Back

1.     Si e humadò a laga un sigaria cu ta sendi cai ariba un stoel of sofa, e mester lanta inmediatamente  busca e sigaria y paqué mesora.

2.     Bo mester tin cuidow cu humamento di sigaria ora cu bo tin soño of ora bo ta tuma bebida alcoholico of si bo ta tuma algun medicamento cu ta prescribi e prohibicion como tal. Claro cu nunca bo mester huma ariba cama of ora bo ta cabisha den bo stoel di sosiego of stoel di soya.

Mueblenan cu ta furà
Mayoria di hende no ta realisa cu stoel y sofa cu ta furà por contené material cu por pega na candela. Tela y material cu ta wordu usà pa jena muebles (foam) ta produci huma y gasnan toxico ora nan ta kima, aunque e vlamnan no ta visible huma monoxidò di carbon of otro gasnan peligroso por matà of lastima personanan cu ta drumi den e vecindario. Ta hopi importante pa tene e siquiente preacauccionnan na cuenta:

1.     Pone mueblenan cu ta furà leeuw for di stoof of otro fuente cu ta genera calor.

2.     Tene cuenta cu e ruta di escape di bo famia na ora acomodà e mueblenan den sala. No pone mueblenan pisà riba e ruta di escape, ningun hende no kier trompica y cai ora cu e ta purba Sali for di un lugar cu ta scur y jen di huma.

3.     Pidi e humadornan di bo famia pa no huma ora nan ta sinta riba mueblenan cu ta furà, ora nan ta tuma bebida alcoholico of ora nan ta tuma algun medicamento al respecto.

Back

1.     Si bo tin paña bieuw de grease cu bo ta usa mas tire afo, si bo ta pensa di usé ainda, anto warde den un bleki cu ta sera bon y warde e bleki den un cashi de metaal. Otro sorti di material, manera verf, liquido pa limpia muebles y polish pa vloer, tambe mester wordu warda den un cashi di metaal.

2.     Instala e calentador di awa (waterheater) leeuw for di e muraya y plafond. No pone material cu por pega candela banda di e heater.

3.     Warda corant y revista na un luga fresco y seco, por lo menos 1 meter leeuw for di cualquier fuente cu ta genera calor, ja cu ta possible cu nan por pega candela.

4.     Tene material cu por cende leeuw for di bo wasmachine y dryer y nunca laga material sintético, plastic, rubber of foam den bo dryer mas di lo necesario.

5.     Si bo tin un garage cu ta sera cu porta eléctrico tene cuenta ora cu bo ta start bo auto ora e porta ta sera. Preferiblemente habri e porta prome, despues start bo auto pa bo bai bo destino.

Back

1.     Nunca colga luz eléctrico den un kerstboom di metaal, esaki por ocasiona un shock elétrico.

2.     Check e kerstboom regularmente, particularmente e partinan cu ta bira bruin y ta cerca di e luznan. Si ta necesario cambia posicionnan di e luznan di manera cu nan no ta mishi directamente cu e kerstboom. Asina cu bo mira cu e kerstboom ta perde hopi blaachi ta ora pa bo tire afo.

3.     Prome cu bo cumpra un kerstboom natural. Check si e ta fresco. Batié levemente riba vloer si e blaadjinan ta cai, anto esei kjermeen cu e kerstboom ta seco.

4.     Si e kerstboom ta grandi, mare na plafond of muraya cu un bon waya.

5.     Usa decoracion cu ta resistente na candela, NUNCA usa decoracion di paña of papel.

6.     No laga e luznan cendi si bo no ta na cas of bo ta bai drumi.

7.     Kerstboom di plastic mester ta traha di material cu ta resistente na candela, esaki lo no pega candela facilmente, tene leeuw for di tur fuente di calor.

8.     Tur aña bo tin cu check e luznan tanto di paden como di pafó: e wayanan por ta pelà, e socketnan por ta kibra of e conectionnan por ta los.

9.     No pone luznan di mas riba e circuitonan eléctrico, e instructionnan cu bo ta haja cu e luznan mester specificà e cantidad cu bo por usa sin cu tin peligro.

10.     Usa luznan pa pafó exclusivamente pafó y bo mester kitanan asina cu e dianan di fiesta ta tras di lomba

11.     Nunca pone un trein eléctrico core bow di un kerstboom, e chispanan cu ta Sali for di e rails por ocasioná candela.

Back

Algun tipnan valioso:
1.     No laga muchanan inocente cumpra y tira donderboosnan of batata. Cumpra pa nan esun cu ta saka bala, galinja, tanki di quera etc, etc. En todo caso semper waak pa un adulto ta serca di nan.

2.     Si un mecha di klap of vuurpijl bira chikito no intento pa sende. Tire afo. E por remeta den bo man of cara.

3.     Ora bo sende klap of vuurpijl etc. Etc. Usa un mecha of sigaria. Nunca sende cu zwafel.

4.     Semper pone e vuurpijl den botter cu santo of e botter mitar den tera.

5.     Nunca pone klap den bo sako, preferiblemente den un caha di metal.

6.     Corda no tira klap ariba cacho. Bo ta spanta nan.

7.     Mei anochi durante cambio di anja, please sera bo bentanan of portanan por si acaso un vuurpijl di un bisinja bini den direction di bo cas.
 

Back

Propane:
Barbequepit di gas ta hopi safe. Tene cuidow cu movementu, jenamento y ora di reconecta e tanki di fuel na e pit. Pa check e conection entre e pit y e fuel-tank, jena un cup cu awa y pone algun druppel di detergente den dje. Sende e cylinder valve. Pone un poko di e detegente cu awa for di cup na e conection. Si eta skuma anto esaki ta un señal cu tin un leak.

E siquiente precauccionnan ta recomendabel ora ta trata di un barbeque-pit di gas. (propane)
1.     Lesa tur instruction cu ta bini hunto cu e pit ora bo cumpre debidamente.

2.     Prome cu sende, kita e tapa pa laga huma Sali.

3.     Sende e barbeque inmediatamente despues di a habri e gas.

4.     Ora e tanki bira bashi, no pone drumi, sino lage para. Si tin algun frusto of danjo na e tanki, cambia e tanki.

5.     Nunka pone un tanki di gas den cas. Si e gas ta lek e por acumula den un lugar sera. Poniendo e tanki den un lugar caminda tin aire of ventilacion ta hasi esaki menos peligroso door cu e aire ta kibra e gas.

Carbon
Carbon por ta dificil pa sende. Pesei tin algun hende cu ta tira gasoline ariba e carbon. Kerosine, gasoline ta inapropiá pa sende e candela. Usa solamente e liquido di sende barbeque riba e carbon y warda e liquido despues di cada uso. Korda di lesa e instruccion ariba e bleki debidamente. Laga e liquido penetra por lo menos cinco minuut bon ariba e carbon prome cu bo cende e carbon.

Otro precautionnan pa tene cuenta cu ne:
1.     Nunca basha e liquido durante cu e candela ta sendi. Un vlam por bula y pega e bleki na candela.

2.     Semper waak pa bon tini un emchi cu awa na banda por si acaso cu e candela sali for di man.

3.     Pone e restonan di carbon central den e pit, sera e tapa riba e resto di carbonnan y lage pasa un anochi asina y majan ora bo lanta el a fria y bo por bente afo. Tambe bo por pague cu awa di un distancio di 3 meter y despues bente afo. No tira carbon den bo bari di sushi.

Back

. verlengsnoer cu ta kibra
. fuse cu ta muchu grandi
. instalacion cu a wordu poni robez
. aparatonan cu tin defecto
. ponemento di waya robez

Precauccionnan Electrico
Apesar cu na comienso di e manual aki nos a relata cierto inquietudnan ariba e peliger aki toch ta bon pa ripiti cierto peligernan of añadi ciertonan cu nos por a lubida e.o.
1.     nunca no pone verlengsnoer bow di tapijt, ni patras di mueblenan cu ta pisa.

2.     Si bo tin un fuse cu continuamente ta bula, jama un electricien. Esaki ta e indicacion cu e problema aki mester wordu resolve door un professional.

3.     Periodicamente check bo fuse-box si e fusenan no ta los den e cashi. Esaki por overheat. Por ripara esaki ora bo coriente den cierto section ta sende y paga of bo television.

4.     Semper controla si aparatonan eléctrico cu ta hala hopi coriente tin un transformador di nan mes.

5.     Nunca no sende zwafel den scuridad pa buska un fuse cu a bula. Semper usa un flashlight.

6.     Tene aparatonan eléctrico leuw for di baño y baki di laba tayo den cushina. Nunca no mishi cu waya di coriente si bo man ta muha of bo ta para ariba un vloer cu ta muha mas aun ora bo ta bai plug e stekker p.e. bo washmachine, oven, frigidaire etc. etc. Esaki por dalbo un coriente te hasta matabo.

7.     Tin aparatonan elétrico manera television cu mester di ventilacion.

8.     Laga check e wayanan di coriente prome cu laga instalá aparatonan grandi.

9.     Nunca no purba na drecha wajanan kibra cu tape preto. Semper laga un professional hasi e tipo di trabownan aki pa bo.

Back

Mucha chikito no sa con pa anda cu zwafel, sinembargo hopi mayor ta laga swafel og lighter den tas of ariba mesa y otro lugarnan cu ta na alcanse di mucha chikito. Sa socede cu hende grandi tambe no ta cuidadoso cu swafel. Lighter fluid ta jopi peligroso tene cuidow e.o. cu ora bo ta jena lighter cu gas.

Aki ta sigi algun tips valioso:

1.     No usa swafel cu ta kibra.

2.     Sera e caha prome cu bo sende e swafel. Ora di sende swafel tene lew for do bo cara, for di cara do otro hende y for di bo paña, corda cu e cabez di e swafel por kita y bula.

3.     Atencion: nunca sende un swafel mientras bo ta stuur of bo ta traha cu un otro machine of herment, bo por ocasioná un accidente of candela. Pa ora cu bo ripara cu e cabez di swafel a cai ja por ta laat.

4.     No huma of sende lighter cerca di gasoline of thinner.

5.     Mucha chikito ta keda fascina cu candela y lighter, tene nan leeuw y ojo!

6.     No warda swafel cerca di materialnan peligroso of na lugar cu tin poco ventilacion. No pone swafel den maleta hunto cu paña.

7.     Hopi lighter tin un boton cu bo mester primi pa e sendé, otro tipo di lighter no ta paga si bo no sera e tapa, den e caso aki zorg pa e tapa ta bon sera promé cu bo warde den bo saco of tas.

Back

Systema di sprinkler
Un sprinkler cu ta wordu instalá den cas ta menos complicá cu esun cu ta wordu instalá den un edificio comercial grandi. Tur dos ta basicamente medcos. Nan ta paga candela automaticamente. E systema di sprinkler no solamente por salba bo bida y di bo familia, pero tambe e ta reducí e daño cu candela por causa na bo cas y propiedad.

Aparato pa paga candela
Den caso di candela prioridad mester wordu duná na salba bobida y dibo Famia y no na salba bo propiedad. Usa un aparato pa paga candela solamente ora ta trata di un candela cu bo por controla facielmente. Si bo no ta sigur kiko ta e origen di e candela y si despues di un paar di minuut bo ripará cu bo no por controlé, salí pafor y bai na un lugar sigur fuera di peliger. Na momneto cu bo constata e candela jama Bombero di imediato y sigurá bo mes cu tur hende a salí for di e area di e candela. Un slang di awa, baking soda ect. por jadabo den caso di candela, ta recommendable pa bo tin un apparato di paga candela na man.
Tin varios tipo di aparato di paga candela, disenjá pa combati 3 clase di candela.

Nan ta:
 Clase A; e candelanan aki ta wordu ocasioná pa materialnan cu ta laga shinishi atras; manera por ehempel papel, palo y paña.
Clase B; e candelanan aki ta wordu ocasioná pa liquido manera gasoline, thinner, verf, grease y azeta.
Clase C; easki ta e candelanan ocasioná pa aparatonan eléctrico. E candela aki tin un otro peliger; e peligro di electrocucion.

Aunque tin apparato pa page candela disenjá especificamente pa combati